Слепцова Екатерина Николаевна

Слепцова Екатерина Николаевна Бүлүү улууһугар, Төҥүргэстээх нэһилиэгэр, 1939 с.балаҕан ыйын 23 күнугэр колхозтаах дьиэ кэргэнигэр төрөөбүтэ. 

Бииргэ төрөөбүттэр бэһиэбит. 1948 с.Балаҕаччы нэһилиэгин 5 кылаастаах оскуолатыгар үөрэнэ киирбитим, 6-7 кылааьы Бүлүү куоратыгар үөрэнэн бүтэрбитим. 1955 с.oскуоланы бүтэрэн баран оҕо саадыгар ньээҥкэнэн| үлэлээбитим,2 сыл курдук үлэлээн баран типографияҕа курьерынан үлэлээбитим. 1961сыл комсомол «Молодежь на целину» диэн путевкатынан Абый улууһугар үлэлии кэлбитим Бүлүүттэн уонча этибит.

Уолбут нэһилиэгэр ыанньыксытынан үлэлии сылдьан Слепцов Василий Константиновичтыын ыал буолбуппут. Кэргэним салайар үлэҕэ сылдьар буолан Оттоох Атах, Абый нэһилиэктэринэн көһө сылдьан үлэлээбиппит. 1967 сылга кэргэним партийнай школаны бүтэрэн кэлбитин Кэбэргэнэ нэһилиэгэр ананан көһөн кэлбиппит. Кэбэргэнэҕэ оҕо саадыгар пенсияҕа тахсыахпар диэри поварынан үлэлээбитим. 

Кийиитэ Алексеева Анна Николаевна:  Мин, Алексеева А.Н. Абый улууһун аҕыйах ахсааннаах норуоттарын түөлбэлээн олорор Кэбэргэнэ диэн бөһүөлэктэригэр 1992 сыллаахха тоҕус оҕолоох Слепцова Екатерина Николаевнаҕа кийиит буолан кэлбитим. Биһиги эбээбит көнө, элбэх саҥата суох, хahан да оҕолоругар да сиэннэригэр да кыыһыра, мөҕүттэ сылдьыбат, сымнаҕас майгылаах эбээ буолар. Сүрэҕин аҥаарын бу күн сириттэн сүтэриэҕиттэн 9 оҕону иитэн-ahатан, таҥыннаран атахтарыгар туруоран сүрдээх кытаанах, күүстээх санаалаах эбээ диэтэхпинэ бука сыыспатым буолуо. Күн бүгүҥҥэ диэри кини биһиэхэ сүбэ- ама буола сылдьарыттан үөрэбит эрэ.

 Өр сылларга уhуйааҥҥа араас үлэҕэ барытыгар үлэлээбитэ, ордук yhуннук поварынан үлэлээбитэ. Нahaa минньигэс астары астыыр. Ол курдук, уола Константин төрөөбүт күнүгэр эбиһээт коробка шоколад, минньигэс бөрүөк эбэтэр пицца  астаан аҕалан күндүлүүр. Билигин төһө да бочуоттаах сынньалаҥҥа сырыттар, саaһырдар да оҕолорун төрөөбүт күннэрин умнубакка барыларыгар сэмэй бэлэх, минньигэс ас буһаран үөрдэр. Бэйэтин аатын ааттатар, утумун салгыыр элбэх сиэннэрдээх, хос сиэннэрдээх. Кини биһиэхэ туохха да кэмнэммэт күндү киһибит буолар. Маннык эбэлээхпитинэн киэн туттабыт. Махталбыт муҥура суох.

Тоҕус оҕону төрөппүтүттэн билигин 8 о5олоох, 26 сиэннээх,20 хос сиэннээх.

Екатерина Николаевна наҕараадалара:

- "Материнская Слава" 2 степени - 1972 с.

- "Материнская Слава" 2 степени - 1978 с.

- "Материнская Слава" 3 степени -1979 с.

- "Сэрии сылын оҕото" мэдээллээх.

Үлэ бэтэрээнэ

Хос сиэннэрэ Айсан уонна Алгыстаан эбээлэригэр анаан ыллыыллар.