Слепцова Ираида Афанасьевна

Кэбэргэнэ нэһилиэк биир киэн туттар ыалынан Слепцовтар- Шелковниковтар дьиэ кэргэннэрэ буолар.Кинилэр саастарынан төһө да эдэрдэрин иһин 9 оҕо күн күбэй ийэтэ, амарах аҕата буолаллар. Бу билиҥҥи ыарахан, мунаах, олохпут укулаата күннэтэ уларыйа сылдьар кэмигэр улаханхорсун быһыы буолар.

Улахан иллээх ыал ийэтэ Ираида Афанасьевна аҕата 1,5 сaahыгар, күн күбэй ийэтэ маҥнайгы кылааска киирбитин кэннэ күн сириттэн күрэммиттэр. Онон Ираида олох ыарахаттарын кыра сааһыттан этинэн-хаанынан билэн улааппыт. Кинилэр бииргэ төрөөбүттэр тоҕустар эбит. Кинини тулаайах хаалтын кэннэ эбээлээх эһээтэ иитэ ылбыттар. Онон кырдьаҕас дьоҥҥо иитиллэн-такайыллан олоххо көрүүтэ, сыһыана муударай эбит. Бииргэ төрөөбүттэрэ, чугас аймахтара күүс-көмө, өйөбүл буолан оҕоттон итэҕэс санаммакка улааппыт. Орто оскуоланы бүтэрэн баран совхозка дайааркалаабыт.Уонна балыыһаҕа
санитааркалаабыт.

2004 сылга ыал аҕата Альберт Михайловичтыын сүрэхтэринэн сөбүлэһэн, харах тарынан хайҕahан холбоспуттара, уопсайа холбоон 9 оҕолоохтор.

Ыал улахан уоллара Иннокентий от ыйыгар 1991 с. төрөөбүтэ. Майыар орто оскуолатын 2008 сыл бүтэрбитэ. Онтон Дьокуускайга СПТУ 16 бутэрэн ."Электромонтажник,, идэтин баһылаабыта. Араас таһымнаах улуустааҕы,республикатааҕы спортивнай күрэхтэргэ кыттан бириистээх миэстэлэргэ тиксэр.
Ийэ көмөлөһөөччүтэ, улахан кыыс Диана алтынныы ыйга 1997с.төрөөбүтэ.Идэтинэн ,"Повар-кондитер,, Намнааҕы техникуму бүтэрбитэ. Кэргэннээх, кырачаан уоллаах. Уоннааҕы оҕолоро оскуола, детсаад дьоно. Алия- 10 кылаас үөрэнээччитэ, самаан сайын үгэнин саҕана күн сирин көрбүт кыыс Саина 9 кылааска үөрэнэр. Уруйдаана 7 кылааска ситиһиилээхтик үөрэнэр.Оторой- моторой, тэбис-тэҥ дьүһүннээх игирэ уолаттар Алгыстаан уонна Айыллаан 4 кылааска үөрэнэллэр. Эһэтин аатынан ааттаммыт Миша 3 кылааска үөрэнэр.Саамай кыракый, мурун бүөтэ кыысчаан Римма "Тугутчаан" yhyйаан иитиллээччитэ. Оҕолор бары үөрэхтэригэр үчүгэйдэр.Нэһилиэк, улуус иһинэн ыытыллар араас тэрээһиннэргэ көхтөөхтүк кытталлар.

Оҕолор бары кыра саастарыттан кыахтарынан бэйэ-бэйэлэрин көрсөн улааппыттар. "Оҕону кыра сaaһыттан быһа холоон алтатыттан үлэ араас көрүҥэр сыһыарар ордук" - диэн ыал ийэтэ санаатын үллэстэр. Кыргыттар ийэлэрин кытта ас астыырга, сир аһын хомуйарга үөрэнэллэр. Күннээҕи бүппэт түбүк быыһыгар иистэнэн да ылаллар.

Уолаттар аҕаларын кытта иитиллэр эбэбит Индигир киэҥ дуолугар киирэн балыктыыллар, саас күһүн күстэххэ сылдьаллар. Оскуолаҕа үөрэнэр оҕолор сыл аайы пришкольнай учаастакка үлэлээн хамнастарын суотугар бородуукта ылан дьиэ кэргэн бюджетыгар эбилик буолаллар.

Оҕолор иллэҥ кэмнэригэр ордук уруһуйдуулларын ордороллор. Ордук үчүгэйдик Саинаҕа уонна игирэчээннэргэ уруһуйдара табыллан тахсар. Бу аҕаларын өттүттэн эһэлэрэ Михаил Гаврильевич Шелковников талба талаанын утумнаабыт буолуохтарын сөп.

Ыал аҕата Альберт Михайлович ЖКХ-аҕа кочегаарынан үлэлиир. Кини эмиэ элбэх,7 оҕолоох ыалга төрөөбүтэ. Онон да буоллаҕа буолуо Ираидалаах Альберт элбэх оҕолонууну буолуохтааҕын курдук ылыналлар.
Ираида Афанасьевна: "Оҕо диэн дьол буоллаҕа"- диир Кини айыыһыта аргыстаһан 9 оҕону күн сирин көрдөрөн бэйэтин дьоллооҕунан ааҕынар. Бу соторутааҕыта улахан кыыс Диана маҥнайгы сиэни бэлэхтээн уөрүүлэрэ муҥура суох.Бу буоллаҕа утум салҕааһына диэн.

Дьиэ кэргэҥҥэ саамай сөбүлүүр үгэстэринэн хас биирдии оҕо төрөөбүт күнүн үөрэ-көтө, элбэх тотоойу минньигэс астаах, оонньуулаах-күлүүлээх бэлиэтээһин буолар.

Ираида Афанасьевна 2017 сылга "Материнская cлава" ("Күн күбэй ийэ"), 2019сылга "Материнская слава 2 стегени" бочуоттаах бэлиэлэри ылбыта.