Дохунаев Егор Васильевич

1947 сыллаахха Муҥурдаах нэһилиэгэр төрөөбүтэ. 1966 сыллаахха Дружина орто оскуолатын бүтэрбитэ. Советскай Армия кэккэтигэр ытык иэһин төлөөбүтэ. 1969 сылтан Муҥурдаах аҕыс кылаастаах оскуолатыгар, Абый орто оскуолатыгар учууталынан үлэлээбитэ. Кэтэхтэн үөрэнэн Саха Государственнай унивирситетыгар математика идэтин ылбыта. Егор Васильевич айылҕаттан талааннаах буолан ,оскуолаҕа үөрэнэр сылларыттан саҕалаан, төрөөбүт дойдутун кэрэ көстүүлэрин, дьонун – сэргэтин, араас жанрдаах хоһоонноругар хоһуйара. Көрдөөх – нардаах кэпсээннэри,сценкалары,тылбаастары суруйталаабыта.

  1982 сыллаахха Муҥурдаах орто оскуолатыгар иитэр – үөрэтэр үлэҕэ директоры солбуйааччынан үлэлээбитэ. 1995 сылтан оскуола директорынан үлэлээбитэ. Республика уус – уран айымньы фестивалларын, көрүүлэрин уонна быыстапкаларын лауреата, дипломана. Егор Васильевич Дохунаев бэйэтин идэтинэн, айылҕа биэрбит аналынан,бэйэтэ ис – иһиттэн таһаарар тыла – өһө,өйө – санаата иһирэх санаанан дьоҥҥо – сэргэҕэ биһирэтэр. Кини чуор куоластаах ырыаһыт,тойуксут. Айар алыптаах киһи олоҥхо суруйуутугар холоммута. Кини олоҥхото “Абыйа Хаан бухатыыр» диэн ааттанан тахсыбыта. Дьокуускай куоракка П.А.Ойуунускай аатынан Литературнай музейга үлэлиир.