Бережнова Оксана Прокопьевна

Ураhалаах нэhилиэгин олохтооҕо, Саха Өрөспүүбүлүкэтин култууратын туйгуна, З0-тан тахса сыл эҥкилэ суох библиотека үлэтигэр олоҕун анаабыт Бережнова Оксана Прокопьевна 1980 сыллаахха Бүлүүтээҕи педагогическай училищены бүтэрэн төрөөбүт улууhугар алын кылаас учууталынан ананан Абыйга үлэтин саҕалаабыта. Ол кэннэ 1984 сыллаахха от ыйыгар Ураhалаах олохтоох библиотекатыгар сэбиэдисэйинэн ананар. Бу үлэтин ол кэмҥэ библиотека сэбиэдиссэйинэн үлэлии сылдьар Надежда Ивановна Полушкинаттан тутар. 1985 сыллаахха декретный отпуска5а олорор кэмигэр, кинини Новикова Сардана Алексеевна солбуйбута. 1987 сылтан 2019 сыл кулун тутар ыйыгар дылы Оксана Прокопьевна уhуннук, таhаарыылаахтык култуура эйгэтигэр үлэлээбитэ. Бу үлэлиир кэмигэр Улан-Удэтээ5и Илинни Сибиирдээ5и култуура судаарыстыбынай институтугар кэтэхтэн киирэн библиотека салаатыгар үөрэммитэ.

Оччолорго библиотека биэрэктэн бастаккы дьиэҕэ баара. Бу библиотека тимир оhо5унан отуллар этэ. Онтон, хочуолнайтан оттулар дьиэ5э көhөн, библиотека кэңээн үлэлииргэ олус табыгастаах буолбута.

Оксана Прокопьевна оскуоланы, о5о уhуйаанын, кулуубу, олохтоох дьаhалтаны, бэтэрээннэр сэбиэттэрин кытта ыкса сибээстээх үлэлиирэ. Хас биирди ыытар тэрээhиннэрэ аа5ааччыларын сааhын, интэриэhин учуоттаан туран ыытара. О5олорго ыытар тэрээhиннэрэ ордук ураты буолаллара. О5о библиотека5а сырыттын, кинигэ аа5ары таптаатын диэн араас саңа ньыымалары көрдөөн, булан, атын библиотекаллар уопуттарын туhанан ыытара. Хас биирди о5о "Аахпыт кинигэлэрим" диэн тэтэрээттээх буолара. Бу тэтэрээккэ ханнык, туох, ким туhунан аахпытын сурунан иhэллэрэ уонна Оксана Прокопьевна5а кэлэн көрдөрөллөрө. Бу тэтэрээт түмүгүнэн, сыл бүтүүтүгэр Оксана Прокопьевна "Бастын аа5ааччы” диэн номинация биэрэрэ. Бу таhынан о5о араас чинчийэр үлэлэри суруйарыгар материаллары булан биэрэрэ.

Библиотека араас хайысханнан үлэлиир, ол курдук хас биирди аа5ааччы интэриэhин, билиитин учуоттаан Оксана Прокопьевна сүбэлиирэ, литератураны булан биэрэн, сырдатара. Аныгы олох кэмигэр сөп тубэhиннэрэн аа5аачыларыгар араас массабай үлэни, тэрээhиннэри, улуу суруйааччыларга, олохтоох ааптардарга анаан биэчэрдэри, өй оонньууларын тэрийэн ыытара. 

Кулуб уонна библиотека ордук ыкса үлэлииллэрэ. Оксана Прокопьевна ураты каллиграфическай буочардаах буолан биллэриилэри, афишалары суруйара. Бу таhына хас биирди кулубка буолар тэрээhиннэригэр сценарийдары суруйара.

Кэтэхтэн үөрэннэр, каникулга кэлэ сылдьар устудьуоннарга күүс-көмө буолара, наадыйар матырыйааларын булан, талан биэрэрэ, үлэлэрин суруйалларыгар наставник быhыытынан көмө буолара. Бу көмөтө үгүс, оччотоо5у, эдэр ыччат үөрэхтээх киhи буолалларыгар оллук буолбута.

Үлэлиир кэмнэригэр кини кө5үлээhининэн уонна салайыытынан саастарынан арахсар куруhуоктар тэриллибиттэрэ. Ол курдук: «Бэтэрээннэр түмсүүлэрэ»- а5ам саастаахтараг, «То5ус төгүл то5о?»-оскуола о5олоругар. «Ийэлэр түмсүүлэрэ»-эдэр ийэлэргэ анаан. Бу куруhуоктар олус таhаарыылаахтык үлэлииллэрэ. Хас биирди куруhуок нэдиэлэ5э биир күннээ5э. Араас көлүөнэлэр түмсэн кэпсэтэр, сүбэлэhэр. киинэ көрөр, книга аа5ар сирдэринэн библиотека буолбута.

Оксана Прокопьевна үлэлиир кэмигэр библиотека бары өттүннэн аныгы үйэ5э эппиэттиир буолуан 2013 сыллаахха модельнай библиотека буолбута.

Оксана Прокопьевна кини иннинэ үлэлээбит сэбиэдиссэйдэр үлэлэлэрин сал5аан кыраайы үөрэтэр материаллары хомуйара. Бу материаллар сборник буолан тахсыбыттара ("Уран тылым Ураhалаа5ым", "Ыллана туруо5а мин ырыам", "Уоттаах сэрии Ураhалаа5ым тумнубата5а"). Сборниктар тахсыбыттарын кэннэ Ураhалаах историятын туhунан кинигэ таhаарарга улахан үлэни ыыппыта. Бу кинигэ тахсарыгар дьонтон ахтыылары хомуйан, библиотека5а баар ахтыылар фондатыттан бэчээттээн, хаартыскалары хоммуйа, булан мунньубута. Бу элбэх киhилээх үлэтин түмүгүнэн 2015 сыллахха «Ураhалаа5ым - Мин төрөөбүт биhигим» диэн кинигэ бэчээтэнэн тахсыбыта.

Оксана Прокопьевна үлэлиири тухары үлэтин таhымын үрдэтэ бэйэни сайынарыы, үөрэтии литератураты аа5ара, улуус, улууустар икки ардыларынаа5ы, Дьокускай куоракка семинардарга, курстарга үөрэнэрэ.

Оксана Прокопьевна ахтыытыттан:

Ураhалаах сельскай библиотекатыгар мин 1984 сыллаахха от ыйыгар Полушкина Надежда Ивановнаттан туппутум. Онтон 1985 саңатыгар декретнэй отруска5а барарбар миигиттэн Новикова С.А. туппута. Онон, үлэбин үчүгэйдик са5алаабытым 1987 сылтан.

Бу билигин библиотека буолан турар дьиэ 1954с тутуллубута, ол иhин наhаа тымныы этэ. 1989с капитальный ремонт баран тимир оhо5у кирпиччэнэн солбуллубута, муостата, түннүгэ саңаттан оңоhуллубута. Мин үлэлиир маңнайгы сылларбар аа5ааччы ахсаана 279 этэ, билигин 400-чэкэ киhи. Библиотека учета, документацията, каталога мин тутарбар барыта үчүгэйдик оңоhуллубут буолан, үлэлииргэ чэпчэки этэ.

Оксана Прокопьевна эдьийин ахтыыта:

Мин балтым Бережнова Оксана Прокопьевна Бүлүүтээҕи педучилищены 1980 сыллаахха бүтэрэн төрөөбүт үөскээбит улууһугар алын кылаас учууталынан ананан Абыйга үлэтин саҕалаабыта. Үс сыл таһаарыылаахтык үлэлээн, ыал буолан төрөөбүт нэһилиэгэр библиотекарынан ананан кэлбитэ. Бу кэмтэн ыла кини библиотека эйгэтигэр сыралаах түбүктээх үлэтэ саҕаламмыта. Кэлин кэтэхтэн библиотечнай үрдүк үөрэҕи бүтэрэн олоҕун тиһэх күнүгэр дылы идэ оҥостубута. Өр сылларга сэбиэдиссэйинэн үлэлээн, үлэтин түмүктээбитэ. Кини үлэтигэр олус бэриниилээх,наһаа кыһамньылаах,куруук бэлэмнээх, библиотека чымпыктаах үлэтиндууһатынан ылынан үлэлиирэ. Үлэлиир сылларыгар оҕолору кытта тапсан, араас дьарыктары сатабыллаахтык тэрийэн ыытара. Бу сылларга библиотека фондун биир кэлим ситимҥэ киллэрэн, алфавитнай каталог оҥорон, оччотооҕу кырдьаҕастартан элбэх ахтыы хомуйан хаалларбытын дьон сөҕөр. Хас биирдии саха суруйааччыларыгар ахтыы хомуйан, кинигэлэрин мунньан, устнай сурунааллара туоһулууллар. Кэтэхтэн үөрэнэр үгүс ыччакка күүс көмө буолан, матырыйаалынан көмөлөһөн, үөрэхтэрин бүтэрэллэригэр сырдык кыымы киллэрбит кини буоларын дьон ахтарыттан билэбит. Библиотека уонна кулууп биир ситимнээх үлэлэригэр элбэх кылааты киллэрбит киһинэн кини буолар. Саамай сөбүлүүр табыллар дьарыга сценарий суруйуута. Үлэтигэр эппиэтинэһэ сэмэйэ бу кини хаачыстыбата. Тематическай биэчэрдэр, конференциялар тэрээһиннэригэр көхтөөхтүк кыттара. Балтым барахсан икки оҕо амарах ийэтэ, эйэҕэс эбээ, тапталлаах кэргэн, аймахтарыгар күүс көмө киһи буолара. Культура, үлэ бэтэрээнэ, элбэх наҕараадалаах ытык мааны киһибит, биһиги өйбүтүгэр санаабытыгар өрүү аттыбытыгар баар буолуо. Кини олоҕун оҕолоро, сиэннэрэ салгыыллар.

Култуура үлэтэ төhө да кээмэйэ суох эрэйдээх, сылаалаах үлэ да буоллар, култуура5а үлэлиир дьол, үөрүү уонна кимиэхэ ба5арар култуура салгын курдук наадалаах, олох үөhүгэр инники күөнүгэр сылдьар, саңаттан-саңа, билии-көрүү, өй-санаа, быhыы-майгы өттүннэн сэhилиир, оло5у кытта тэңңэ хаама5ын. Култуура диэн — олох инники кэскилэ. Ким култуура5а үлэлиир - ол идеологическай фронт үлэhитэ. Култуура үлэтин ис хоhоонун — атын үлэлэр курдук чопчу ылан түмүктэммэт дириң ис хоhоонноох уонна киэң далааhыннаах, саңа общество киhитин иитигэ, дойдуга тирээн турар соруктары олоххо киллэриигэ, норуот киэң араңатын түмээччи, иитээччи быhыытынан - култуура үлэhиттэрэ буолаллар. Култуура үлэтэ кээмэйэ биллибэт киэң далааhыннаах, билиңңи кэмңэ, общество оло5о уларыйбыт бириэмэтигэр, аа5ааччылары, көрөөччүлэри ыңырара саңа формалары, ньыымалары тупсарыыны, күн аайы кэңэтэн иhиини көрдүүр.