«Абыйчанин ыллыгынан» айар күрэх түмүгэ

Николай Васильевич Слепцов – Абыйчанин 100 сааһыгар анаммыт тэрээһиннэр чэрчилэринэн, улуустааҕы кииннэммит библиотека «Абыйчанин ыллыгынан» диэн ааттаах оскуола оҕолоругар улуустааҕы күрэх биллэрбитэ. Күрэх сүрүн ирдэбилинэн, Абыйчанин айымньыларыгар олоҕуран,  кыттааччы сөбүлээбит геройун, кини олоҕун, эбэтэр айымньытын бэйэтин көрүүтүнэн салгыы хоһуйуу, билгэлээһин, бэйэ айымньытын айан таһаарыы буолар...

Суруйааччы дириҥ ис хоһоонноох олоҕун уонна үгүс өрүттээх айар үлэтин кытта билсии, оҕону саха литературатыгар, төрөөбүт тылга уһуйуу, чинчийэр үлэ нөҥүө оҕо, ыччат айар, ырытар, анаарар дьоҕурун, сахалыы саҥарар-толкуйдуур сатабылын сайыннарыы, айар, суруйар талааннаах оҕолору өйөөһүн, көҕүлээһин, оҕолор үлэлэрин киэҥ эйгэҕэ сырдатыы, тарҕатыы курдук түһүмэхтэр күрэх сүрүн сыалынан уонна соруктарынан буолбуттара.

Бу күрэххэ уопсайа 13 үлэ киирбитэ. Балаһыанньа быһыытынан, оҕолор сахалыы да, нууччалыы да суруйаллара көҥүл этэ. Тоҕо диэтэр, суруйааччы улахан айымньыта нууччалыы переводтанан тахсыбыт кинигэлээх.

«Абыйчанин ыллыгынан» айар күрэх түмүгэ:

1 үрдэл – Слепцов Дамир, Н.Н.Ефимов аатынан БГ гимназиятын 6 кылааһын үөрэнээччитэ.

2 үрдэл – Никонов Игнат, Аркадий Егорович Слепцов аатынан Абый орто оскуолатын 11 кылааһын үөрэнээччитэ.

3 үрдэл – Сидорова Эмма, Майыар орто оскуолатын 11 кылааһын үөрэнээччитэ.

АНАЛ ААТТАР:

- «Алыптаах остуоруйаһыт» - Соломова Лиза, В.Н. Дохунаев аатынан Муҥурдаах орто оскуолатын 6 кылааһын үөрэнээччитэ.

- «Айымньылаах айааччы» - Шкулева Виолетта, Н.Н.Ефимов аатынан БГ гимназиятын 6 кылааһын үөрэнээччитэ.

- «Кэскиллээх суруксут» - Слепцова Сандаара, С.Ф.Марков аатынан Уолбут орто оскуолатын 8 кылааһын үөрэнээччитэ.

Туоһу суругунан наҕараадаланнылар:

-         Дохунаев Аскалон – С.Ф.Марков аатынан Уолбут орто оскуолатын 6 кылааһын үөрэнээччитэ.

-         Никулина Инесса – Майыар орто оскуолатын 11 кылааһын үөрэнээччитэ.

-         Герасимова Самина – Майыар орто оскуолатын 7 кылааһын үөрэнээччитэ.

-         Рязанский Раиль – Майыар орто оскуолатын 4 кылааһын үөрэнээччитэ.

-         Соломова София – Ураһалаах орто оскуолатын 6 кылааһын үөрэнээччитэ.

-         Горохова Саяна – Ураһалаах орто оскуолатын 6 кылааһын үөрэнээччитэ.

-         Слепцова Айнаара – Ураһалаах орто оскуолатын 5 кылааһын үөрэнээччитэ.