Тэттик киинэни устууга курэс балаhыанньата

Ийэ тыл уонна сурук-бичик күнүн чэрчитинэн ыытыллар. «Өс хоһооно уонна билиҥҥи кэм» тэттик киинэни устууга улуустааҕы күрэс балаһыанньата

Сыала:

Өс хоһооннорун саҥарар саҥаҕа туттууну көҕүлээһин.

Соруга:

• Төрөөбүт тыл эйгэтин кэҥэтии.

• Өс хоһоонноро үтүө майгыга, сиэрдээх буолууга, кэрэ5э-сырдыкка иитэр өрүттэрин таба тайаныы.

• Талааннаах, айар-тутар, артыыстыыр дьоҕурдаах дьону көрдөөһүн.

Тэрийээччи: МКТ «Абый улууһун киин библиотеката».

Ыытыллар көрүҥэ: оффлайн. 

Ыытыллар кэмэ: 2021сыл, олунньу 08 - кулун тутар 15 күннэрэ.

Кыттааччылар: Абый улууһун олохтоохторо (дьиэ кэргэнинэн, тэрилтэнэн). 

Күрэс ис хоһооно: өс хоһоонноругар олоҕуран, тэттик киинэни устуу.

Ирдэбилэ:

• Тэттик киинэ тиэмэтэ билиҥҥи олоххо тоҕоостоох (актуальнай) буолуохтаах, киинэ аата тиэмэҕэ сөп түбэһиэхтээх.

• Киинэ биир эбэтэр хас да өс хоһоонугар тирэҕирэр, өс хоһооннорун дириҥ ис хоһооно толору арыллыахтаах.

• Юмор, сатира, драма, бөлүһүөктүү уо.д.а. хайысхалаах буолуон сөп.

• Киинэ үтүө сиэргэ-майгыга иитэр өрүтэ.

• Сахалыы саҥа, тыл-өс култууратын тутуһуу, титрдэри (тиэкиһи) таба суруйуу.

• Киинэни устуу хаачыстыбата.

• 5 мүнүүтэттэн уһуна суох.

• Үлэлэри USB-носителинэн туттараҕыт эбэтэр kniga.1313@mail.ru электроннай почтаҕа ыытаҕыт. 

 Түмүк таһаарыы: Кулун тутар 19 күнэ , 2021 сыл.

Наҕараадалааһын:

«Бастыҥ тэттик киинэ», «Бастыҥ туруоруу», «Бастыҥ устуу», «Бастыҥ оруол» уо.д.а. анал ааттар.

Кыттааччыларга туоһу суруктар, кыайыылаахтарга хайҕал суруктар туттарыллаллар. Бастыҥ үлэлэр инстаграм @cbsabyi сирэйигэр тахсыахтара.

Туһаныллар литература:

• Кулаковскай А.Е. Хоһооннор. Тылбаастар. Өс хоһоонноро. Таабырыннар. Рефераттар. Дьокуускай: Бичик, 2007. – 192с.

• Попов Г.В. Саха өһүн хоһоонноро. Дьокуускай, 2005.-128с.

• Д.К.Сивцев – Суорун Омоллоон. Өс хоһоонноро.//Саха фольклора. Хомуурунньук. Новосибирск, 1996. 120-127с.

• Федоров Г.Е. Быһаарыылаах өс хоһоонноро уонна тыл номохторо. Дьокуускай, 1992.-39с.

• https://sah.wikipedia.org/wiki/

• https://sah.wikisource.org/wiki/ уо.д.а.