Эверстова Анна Дмитриевна

Урут лобзигы эр киhи эрэ сатаан туттар дии саныыр буоллахпытына, дьахтар да табыгастаахтык тутта үөрэннэҕинэ, араастаан оhуордаан – мандардаан, киhи эрэ кэрэхсии көрөр сиэдэрэй оӊоhуктарын оӊорон таhаарар эбит. Анна Дмитриевна иллэӊ кэмигэр дьарык оӊостон лобзигынан быhар. Кини республикаҕа киэӊник биллэр Августина Ивановна Егорова ыытар икки маастар – кылааhыгар сылдьаат, лобзигы арахсыспат аргыс оӊостубута. Маӊнай сибэкки кашполарын, араас сиэдэрэй долбуурдары, харысхаллары оӊорууттан саҕалаан, сыыйа – баайа улахан оӊоhуктардыын (фотозоналары, аркалары, быыстары, уголоктары, араамалары) ылсан дьоӊӊо сакааhынан үлэлиир. Онон кылгас кэм иhигэр саӊа ньыманы баhылыы охсон, бэйэтэ айан – тутан, ис сүрэҕиттэн ылсан элбэх ыалга дьиэ иhин, тэлгэhэ таhын тупсарар, интерьери ситэрэр дизайнерскай киэргэллэри оӊорор. Кини дьикти дьарыгынан улуустааҕы «Ай - сатаа» быыстапкатыгар, республикатааҕы онлайн – күрэхтэргэ кыттан элбэх ситиhиини, бочуоттаах миэстэлэри ылан дьон улахан сэӊээриитин ылар.