Муҥурдаах библиотекатыгар кинигэ быыстапката

Ахсынньы-тохсунньу ыйдарга Муҥурдаах нэһилиэгин модельнай библиотекатыгар нэһилиэк 95 сылыгар аналлаах кинигэ быыстапката турда. 

Манна оройуон араас кинигэлэригэр киирбит Сыаҥааннаах туһунан элбэх информацияны булуохха сөп. 

Нэһилиэк үбүлүөйдээх сылларыгар тахсыбыт кылгас эрээри, чуолкай чахчылары түмпүт брошюралар,

Муҥурдаахтан төрүттээх ист.наука кандидата П.Н.Ильяхов-Хамса, биллэр-көстөр салайааччы Н.И.Соломов, Н.Н.Ребров, М.М.Слепцов аатынан историяны, кыраайы үөрэтэр түмэл үлэһитэ А.Сорокоумова таһаартарбыт кинигэлэрэ көрдөрүүгэ турдулар. 

Сыаҥааннаах урут-уруккуттан олоҥхоһуттар, хоһоонньуттар, мелодистар үөскээбит түөлбэлэринэн биллэр, онон айар куттаах дьон кинигэлэрэ, хомуурунньуктара ааҕааччы болҕомтотун тардаллар.