Семён Андреевич Новгородов төрөөбүтэ 130 сыла

Саха норуотун тылын-өһүн сайдыытыгар улахан өҥөлөөх Новгородов Семён Андреевич төрөөбүтэ 130 сылыгар аналлаах, "Ийэ тыл, сурук-бичик" чэрчэтинэн араас тэрээhиннэри ыытылыннылар. Ол курдук С.А.Новгородов, кимтэн кииннээх, хантан хааннаах туох тууралаах, суоллаах иистээх киһитин оскуола о5олоро билиилэрин чиҥэтэн боппуруоска суругунан эппиэттээн холоннулар. Төрөөбүт соругум диэн норуотугар анаан хаалларбыт кэс тылын хоһоонун аахтылар. Үтүрүллэн олорбут өбүгэ дьоно өрөгөйө үрдүүрүгэр, өйө сайдарыгар, үөрэҕэ тэнийэригэр, үтүөҕэ тиксэригэр, сахалыы саймаархай саҥабыт-иҥэбит баччааҥҥа диэри Новгородов С.А. олук уурбут үтүөтүнэн сүппэккэ кэллэҕэ. Новгородов олоҕун, үөрэҕин, айар үлэтин, норуокка биэрбит сүдү баайын сиһилии декада устун арыйан кэпсэттилэр, дьүүллэстилэр.

Ону таhынан кинигэ быыстапкалара турда.