Что писали в СМИ к 40-летнему юбилею ЯАССР в 1962 году

Пролистав газету "Хотугу Кыым" 1962 года узнаем, что писали 60 лет назад к 40-летнему юбилею ЯАССР.

Саха АССР Верховнай Советын ыҥырар туhунан (Саха АССР Верховнай Советын Президиумун ЫЙАА5А).

Саха АССР Верховнай Советын Президиума УУРАР:

1962 сыл бэс ыйын 20 күнүгэр Якутскай куоракка Саха АССР бэhис ыҥырыылаах Верховнай Советын Саха Автономнай Советскай Социалистическай Республиктын 40 сыла туоларыгар аналлаах сэттис (Юбилейнай) сессиятын ыҥырарга.

 Саха АССР Верховнай Советы Президиумун Председателин солбуйааччы Н. СОЛОВЬЕВ. Саха АССР Верховнай Советын Президиумун Секретара С. СОСИН.

Якутскай к., 1962 сыл ыам ыйын 7 күнэ.

Юбилейи саҥа кыайыыларынан көрсүө5үҥ!

1922 сыллаахха Саха Автоновнай Советскай Социалистическай

Республиката тэриллибитэ.

Саха норуота - Советскай норуоттар тулхатыйбат кэргэннэрин тэҥ бырааптаах чилиэнэ —бэйэтин көҥүл дьоллоох респубиликата 40 сылын туолар юбилейин аны биир ыйынан—бэс ыйыгар үөрүүлээхтик, үлэ5э, олоххо-дьаhахха элбэх ситиhиилэрдээх тиийэн бырааhынньыктыырга бэлэмнэнэр.

Ыраахтаа5ылаах Россия5а ыар батталга олорбут, колония буолбут кытыы дойду, төлөннөөх революционнайдары хаайарга анаммыт хаатырга түрмэтэ буолбут саха сирэ советскай былаас сылларыгар төрдүттэн улларыйда.

Улуу коммунистическай партия салалтатынан Саха республиката бастыҥ кылаастаах техникалаах, элбэх салаа промышленностаах, механизацияламмыт бөдөҥ тыа хаhаайыстыбалаах, культура уонна наука чэлгийэ сайда турар дойдутунан буолла.

Саха сиригэр Советскай былаас сылларыгар бөдөҥ рудниктар, шахталар, заводтар күүстээх электростанциялар тутулуннулар. Саха сирэ күндү алмааhынан, кыhыл көмүhүнэн, таас чо5унан, сүлүүдэнэн, хол5олдьунунан күндү түүлээ5инэн уонна балыгынан Союз үрдүнэн эрэ буолбакка, аан дойдута аатырар, сура5ырар буолла. Урукку ойдом хараҥа бала5аттар, сииктээх буор ыыспалар оннуларыгар билигин сырдык киэҥ оскуолалардаах меднупнардаах, кулууптардаах электричество уотунан сандаарбыт совхозтар, колхозтар бөhүөлэктэрэ ууннулэр. Сиртэн үүнүүнү, сүөhүттэн үүт, эт бородуукталарын ылыы сылтан сыл аайы уунэн иhэр.

 Ити бөдөҥ кыайыылар, сүҥкэн улларыйыылар Коммунистическай партия күннэтэ ахсаабат кыhамньытынан, улуу нуучча норуотун уонна Советскай Союз бары норуоттарын бырааттыы көмөлөрүнэн ситиhилиннэ.

Саха норуотун быйылгы юбиелейэ ордук кэрэ-бэлиэ быhыыга-майгыга ыытыллар. Коммунистическай олох сырдык кэскиллээх улуу Программата ылыллыбыт маҥнайгы сылыгар, семилетка төрдүс сылын улуу былааннарын толорор уонна аhара толорор иhин норуот бүттүүн куоталаhыыта бара турар бириэмэтигэр. Саха сирин бары үлэhиттэрэ, Саха АССР 40 сыла туолуутун саҥа кыайыыларынан көрсүhэр туhугар социалистическай куоталаhыыны улэ бары салааларыгар киэҥник ыыталлар. Сыл аҥаардаа5ы былааны бэс ыйын 15 күнүгэр толорорго сорук туруордулар.

Биhиги оройуоҥҥа юбилейи атаарыы туhунан CCКП РК бюрота уонна райсовет исполкома туhааннаах уураа5ы ылынна.

Саха АССР 40 сылын туолар юбнлейин, үлэ бары салааларыгар саҥа кыайыыларынан көрсүө5үҥ!

ССКП райкомугар, райсовет исполкомугар

Саха АССР 40 сыла туолар юбилейын бырааhынньыктааhын туhунан CCКП РК бюротун уонна райсовет исполкомун холбоhуктаах мунньахтарын уураахтара.

1. Саха АССР 40 сыла буолар юбилейын бары нэhилиэктэргэ, тэрилтэлэргэ уонна оройуон киинигэр 1962 сыл бэс ыйын иккис аҥарыгар бырааhынньыктыырга.

2. Улэhиттэр депутаттарын оройуоннаа5ы Советын юбилейнай сессиятын 1962 сыл бэс ыйын 16 кунугэр Дружина бөhүөлэгэр ыҥырарга. Дакылаатчытынан ССКП PК секретарын таб. Дьячковскай П.И. бигэргэтэргэ.

3. Саха АССР 40 сылын аатынан спартакиаданы бэс ыйын 16—17 күннэригэр ыытарга.

4. Нэhилиэктэр ахсын бэс ыйын иккис аҥарыгар Caxа АССР 40 сылын аатынан ыhыахтары тэрийтэлээн ыыталларыгар нэhилиэк Советтарын, партийнай тэрилтэ секретардарын, отделение управляющайдарын соруйарга.

5.—Бары нэhилиэк Советтарын, партийнай тэрилтэ секретардарын соруйарга, юбилейы көрсүhэ бөhүөлэктэри благоустройствалааhын, кө5өрдүү, бөhүөлэктэр санитарнай туруктарын тупсарыы чуолкай былааннарын оҥорон улэлэрин ыыталларыгар.

6. Эргиэн оройуоннаа5ы хонтуоратыгар соруйарга, юбилей бириэтэтигэр промышленнай уонна продовольственнай табаардары атыылааhыны киэҥник тэрийэригэр.

7. Юбилейы атаарар оройуоннай комиссияны маннык састааптаах тэрийэргэ.

1. Степанова А.Н.—комиссия председателэ.

2. Ошустанов С.Г. - чилиэн

3. Колмогорова Л.Т. - чилиэн.

4. Бартеньев Д.Д. - чилиэн.

5. Борисов В.А. - чилиэн.

6. Сивцев И.Д. - чилиэн.

7. Слепцов Н.Д. - чилиэн.

ССКП РК Секретара П.Дьячковскай.

Райсовет исполкомун Председателэ А.Степанова

1962 с. муус устар 29 күнэ