Киэҥ-Күөл библиотекатыгар өй оонньуутугар күрэхтэстилэр

Өрөспүүбүлүкэ күнүгэр Киэҥ-Күөл библиотекаря Горохова Вероника Ивановна нэһилиэнньэҕэ, Автономия 100 сылыгар аналлаах "Саха сирин дириҥ историятын билиигэ" интелликтуальнай өй оонньуутугар күрэх ыытта. 

Киэҥ-Күөл эдэр ыччата Слепцова Дайаана билиитин-көрүүтүн бигэргэтэн, элбэх боппуроуска сөптөөх эппиэти хардарда. Олохтоох электростанция үлэһиттэрэ Слепцов Егор, Никитин Борис тэрээһиҥҥэ мустубут дьоҥҥо Саха сирин төрүттээбит чулуу уолаттарбытын билэрбитигэр, билиибитин чиҥэтэн, бигэргэтэн эбии дьүүллэһэн: хайдах репрессияҕа түбэспиттэрин, туох иһин албын буруйга балыллыбыттарын, Аммосов М.К. Киргизияҕа үтүө өҥөтүн туһунан сиһилии кэпсээтилэр.

Ону таhынан Өрөспүүбүлүкэ былааһын олохтооһуҥҥа уһулуччулаах салайааччылар үтүөлэрин, олохторун санаан аастылар.