Библиотека филиалларыгар "Дублёр күнэ"

Бүтүн Россиятааҕы библиотекардар күннэрин чэрчитинэн, ыам ыйын 25 күнүгэр Майыардааҕы, Киэҥ-Күөл, Муҥурдаах, Ураhалаах модельнай библиотекаларыгар "Дублёр күнэ" буолла.

7,8 уонна 10 кылаас оҕолоро библиотекаҕа кэлэн библиотека күннээҕи үлэтигэр көмөлөстүлэр. Ол курдук кинигэ абырахтаатылар, кинигэлэргэ кармашек сыһыардылар, саҥа кэлбит кинигэлэри миэстэлэригэр уурталаатылар, кинигэлэри накладнойунан бэрэбиэркэлээтилэр, кинигэ быыстапкатын онордулар, Уонна "Мин таптыыр остуоруйаларым" кинигэ быыстапкатын бэйэлэрэ сөбүлүүллэринэн ситэрэн биэрдилэр.

Ааҕааччы формулярын сиһилии үөрэттилэр, кинигэлэри разделларынан дьаарыстаан уурдулар. Оҕолор библиотека дэбигис киһи хараҕар быраҕыллыбат күннээҕи ис үлэтин билсэллэрэ наһаа кэрэхсэбиллээх. Инникитин биир эмит оҕо библиотекарь идэтин ис сүрэҕиттэн сөбүлээн талыан сөп.