Филиалларга "Библионочь-2022" аахсыйа

Ыам ыйын 27-28 күннэригэр Майыар, Ураhалаах уонна Киэҥ-Күөл библиотекаларыгар улахан дьоҥҥо анаан "Библионочь - 2022 аахсыйа ыытылынна.

Майыар библиотеката:

Ыам ыйын 27 күнүгэр Майыардааҕы модельнай библиотекаҕа "Библионочь - 2022: про традиции" ыытылынна. Библиотекарь Надежда Васильевна киирии тылыгар тэрээһин Арассыыйа норуоттарын култууратын үйэлээх баайын сылыгар ананарын тоһоҕолоон эттэ.

Ол курдук уран тарбахтаах иистэнньэҥнэр эбээн, саха орнааменнарын уратытын чуолкайдастылар, күннээҕи олоххо хайдах туттуллалларын чопчулаатылар. Матрена Жиркова, Альбина Шкулева кэлбит ыалдьыттарга бэйэлэрин опыттарыттан үллэстэн кэпсээтилэр.

Хас биирдии кыттааччы бэйэтин оҥоһугун аҕалан технологиятын кэпсээтэ.

Ыалдьыттар иискэ аналлаах кинигэлэри сэргээтилэр: ордук Е.Н.Бокова "Эвенские узоры" кинигэтин сэргээтилэр. Оҕуруоннан оһуордар, кыбытык тигии туһунан кинигэлэри көрдүлэр, уларыстылар.

Кыттааччыларга барыларыгар сертификат бэрилиннэ.

Ураhалаах библиотеката:

Ыам ыйын 28 күнүгэр Ураhалаах библиотекатыгар хаhаайкалар кэлбит ыалдьыттарга анаан мастер - класс көрдөрдүлэр. Ол курдук эдэр хаhаайка Мария Егоровна Садовникова манты хайдах астанарын астаан көрдөрдө.

Анна Михайловна бисертан төбөҕө кэтиллэр сахалыы киэргэли оҥорон көрдөрдө. 

Лариса Александровна сөпкө тыынар гимнастикатын көрдөрдө. Ол курдук бу гимнастика тыҥаҕа уонна ковидынан ыалдьан ылбыт дьоҥҥо олус туhалаах. 

Библиотекарь Екатеригна Егоровна бэйэтин мастер кылааhын көрдөрдө: дьахтар сахалыы түөскэ кэтэр киэргэли "Сурэх киэргэл" оҥорон көрдөрдө.

Ону таhынан сахалыы оҥоhуктартан выставка тэриллибитэ.

Киэҥ - Күөл библиотеката:

 Ыам ыйын 27 күнүгэр Киэҥ - Күөл библиотеката культура тэрилтэтигэр уонна нэhилиэк администрациятын үлэhиттэригэр айылҕаҕа сылдьан "Библио пикник" тэрийэн ыытта. Библиотекарь кыттааччыларга викторина күрэҕин ыытта. Ол курдук боппуруостара Саха Өрөспүүбүлүкэтигэр сыhыаннааҕы онньотто: өбүгэлэр өс хоhоонноро, өбүгэлэрбит туттубут маллара уо.д.а.