П.Н.Тобуруокап төрөөбүтэ 105 сылыгар аналлаах тэрээһиннэр

    Алтынньы 25 күнүгэр Саха норуодунай бэйиэтэ П.Н. Тобуруокап төрөөбүтэ 105 сааhын туолбута. Киэн Күөл библиотекатын үлэhиттэрэ араас тэрээһиннэри ыыттылар.

    - "Чуораанчык" уһуйаан иитиллээччилэрэ "Кып-кыра чычып-чаап", "Тоҕо", "Улаатарым буоллар мин", "Ытанньах герой буолбат", "Билэр букваларым" хоһооннорун доргуччу аахтылар. Айымньыларын кинигэ нөҥүө көрөн, билиилэрин чиҥэттиллэр.

   Тобуруокап үгүс хоһооннорун киһи оонньуу-оонньуу ааҕар, толкуйдуур, ырытар. Ол курдук библиотека үлэһиттэрэ: уоһа хараарбыт "Сымыйаччы уоһа хараарар" инсценировкалаан итэҕэллээхтик оҕолорго туруоран көрдөрдүлэр.

   Уһуйаан иитээччилэригэр П.Н.Тобуруокап ырыаларынан "Ырыа-олох киэргэлэ" диэн оонньуу оонньоттулар.

    Оскуола үөрэнээччилэригэр таптыыр бэйиэппит олоҕун, айар талаанын тула сэһэргэһэн баран, Тобуруокап хоһоонноро дьиктини сатаан булан көрөргө, дьиктини эрэ оҥорор дьоһун дьон буоларга үөрэтэр. Тулалыыр эйгэ, айылҕа, олох туһунан хоһоонноругар сорудахтары толорон оонньоотулар.

  - Ураhалаах библиотекаря библиотечнай уруок тэриийдэ. Уруокка 1 уонна 2 кылаас үөрэнээччилэрэ кыттыынны ыллылар. Библиотекарь Екатерина Егоровна оҕолорго Пётр Николаевич олоҕун, дьиэ кэргэнин, айар үлэтин туһунан кэпсээтэ. Ол кэннэ, оҕолор П.Тобуруокап хоһоонноругар олоҕуран оҥоһуллубут таабырыннары таайдыллар, сөбүлээбит хоһооннорун дорҕоонноохтук ааҕан иһитиннэрдилэр. Уруок түмүгэр оҕолор суруйааччы туһунан тугу билбиттэрин кэпсээтилэр. Иккис кылаас салайааччыта Мария Герасимовна оҕо сырыттаҕына Пётр Тобуруокап кинилэр дьиэлэригэр кэлэн ыалдьыт буолан хонон ааспытын туһунан кэпсээтэ уонна бэйиэт суруйууларыттан саамай сөбүлүүр хоһоонун оҕолорго ааҕан иһитиннэрдэ. Библиотека кыра ыалдьыттара интэриэһинэй уруокка сылдьыбыттарыттан астыннылар, махтанныллар. Библиотека ыытар тэрээһиннэригэр көтүппэккэ сылдьыах буоллуллар.

       - Майыар нэhилиэгэр о5олорго аналлаах библиотечнай уруок "Хоhоон ходуhалаах, ырыа ыллыктаах суруйааччы" ыытылынна.

  - Киин библиотекатын үлэhиттэрэ суруйааччы оло5ун кэпсээтилэр, кинигэлэрин билсиhиннэрдилэр. Саала5а мустубут улахан дьон уонна оскуола үөрэнээччилэрэ Тобуруокап хоhоонун аа5ан иhитиннэрдилэр. Слепцова Татьяна Константиновна "Сор уонна дьол" диэн айымньыттан быhа тардан аа5ан иhитиннэрдэ уонна кэпсээтэ. Ону тэҥэ биэчэри,  суруйааччы ырыа буолбут хоhоонуттан, Үрүҥ Хайа кулууп дириэктэрэ Мичил Петрович ыллаан киэргэттэ.