Биэчэр "Эдэр сааhы эргитэн"

    Майыар национальнай нэһилиэгэр Ленинскэй комсомолга аналлаах «Эдэр сааһы эргитэн» биэчэр буолла.

 Урукку комсомол сэкэритээрэ Светлана Никулина комсомоллар үлэлэрин сырдатта. Улуҥнаах учаастагын ыччат комсомольскай ферматыгар үлэлээбит хомсомуоллар «Саһарҕа», «Кэскил» хамаандаларга арахсан, көрдөөх эстафетаҕа кытыннылар. Библиотекарь Надежда Васильевна  комсомолга аналлаах викторина ыытта.

  Кэлбит дьон сүүйүүлээх атракциоҥҥа кытыннылар, комсомольскай ырыалары ыллаатылар, ностальжи музыканан дуоһуйа үҥкүүлээтилэр, урукку хаартыска презентациятын сэҥээрэ көрдүлэр, астынан-дуоһуйан тарҕастылар.

   Сынньалаҥ биэчэри "Эдек" киин, ветераннар сэбиэттэрэ, модельнай библиотека тэрийдилэр, култуура дьиэтин специалиһи Анна Алексеева иилээн-саҕалаан ыытта.