Сомо5олоhуу күнүнэн Абый улууhун библиотекаларыгар тэрээhиннэр

 - Бүгүн, сэтинньи 3 күнүгэр, Муҥурдаах библиотеката Сомоҕолоһуу күнүгэр "Россия норуоттарын оонньуулара" 1 - 7 кылаастарга аналлаах тэрээһиннэри ыытта.

     Бу күн оҕолор икки бөлөҕүнэн Россия араас омуктарын оонньууларын билсистилэр, үөрэ-көтө оонньоотулар. Нууччалар, татаардар, буряттар, удмуртар, дагестанецтар, сахалар хамсаныылаах оонньууларын биллилэр, олус көхтөөхтүк кытыннылар. Тэрээһиннэр оҕо аймах күлүүтүнэн, хаһыытынан-ыһыытынан, көрдөөх саҥатынан-иҥэтинэн толору буоллулар.

      Кыттааччылар бары да наһаа сөбүлээтилэр, инникитин да бу оонньуулары оонньуох буолан, үөрэн-көтөн тарҕастылар.

     - Киэҥ Күөл нэhилиэккэ сэтинньи 3 кунугэр дойдубут араас норуоттарын сомоҕоһууларын бэлиэтиир күнүгэр нэһилиэк тэрилтэлэрин икки ардыгар викторина буолан ааста. Россия, Саха сирбит, нэһилиэк кэрдиис кэмнэригэр олоҕурбут боппуоруостарга эппиэттээтилэр. Уопсайа алта тэрилтэ кытынна.Түмүгэр кыайыылаах ЖКХ хамаандата буолла, иккис миэстэ ДЭС тэрилтэ хамаандата, үһүс уhуйаан тэрилтэтэ буоллулар. 

    - Ураhалаах библиотекаря Екатерина Горохова 1-4 кылаас үөрэнээччилэригэр билии уруогун "Бары бииргэ буоллахпытына - биhиги биир сомо5о буолабыт" ыытта. Бу уруокка о5олор бырааhынньык хантан, хайдах үөскээбитин биллилэр. Бутэhигэр Россия историятын туhунан боппуруостарга эппиэттээтилэр.