"Күндүттэн күндүнү - оло5у туойбутум" Бүөтүр Тобуруокап 105 сылыгар аналлаах тэрээhин

  Алтынньы 29 күнүгэр Муҥурдаах нэһилиэгэр олохтоох библиотека көҕүлээһининэн саха норуодунай суруйааччыта Бүөтүр Тобуруокап 105 сылыгар аналлаах “Күндүттэн күндүнү – олоҕу туойбутум” ырыа-хоһоон түһүлгэтэ буолан ааста.

     Бу дьоро киэһэҕэ бэйиэт ырыаларын, хоһооннорун иһиттибит. Ол курдук, оҕоҕо аналлаах хоһооннору "Кэнчээри" уһуйаан оҕолоро Амина Новикова "Кып-кыра чычып-чаап" (салайааччы Аммосова Светлана Семеновна), Корякин Афоня, Ефимова Кира, Новиков Алеша "Ытанньах герой буолбат" (салайааччылар Новикова Александра Олеговна, Соломова Екатерина Семеновна), алын кылаас оҕолоро (Стручкова Алеся, Слепцова Мила, Томскай Аким, Нератов Саян, Соломова Лиза, Корякина Света, Бессонова Алина, Данилова Калерия, Томская Вероника) "Уоһа хараарбыт" (салайааччы Соломова М.А.), 7 кылаас үөрэнээччилэрэ (Аммосов Максим, Данилов Егмар, Сергеева Настя, Корякина Марина) "Саллаат уолабын" (салайааччы Ильина Людмила Васильевна) аахтылар. Тобуруокап "Хаппытыан" ырыа буолбут сатирическай хоһоонун Мыреева Альбина Васильевна, Стручков Николай Яковлевич инсценировкалаан, бэркэ оонньоон көрдөрдүлэр, көрөөччүнү күллэрдилэр. Норуот уоһуттан түспэккэ ылланар "Мутукча сытын" балыыһа кэлэктиибэ (Андросова Светлана Петровна, Новикова Саргылаана Михайловна, Сорокоумова Мотрена Васильевна, Иванова Татьяна Никифоровна, Зырянова Регина Фазыльяновна, Томская Дария Петровна) акапеллолаата, "Ньургуһунна бэлэхтээ" ырыаны эр дьон квартета (Новиков Петр Иннокентьевич, Ребров Василий Григорьевич, Кандинскай Аркадий Иванович, Ребров Василий Владиславович), "Күөгэһэр лабаалар" Иванова Татьяна Петровна баян доҕуһуолунан, аныгы ырыаһыттар репертуардарыгар ылланар "Этимэ ый үөһэ устарын" - Ребров Василий Владиславович, "Эйиэнэбин дэтээри" - Новикова Сахаайа Иннокентьевна ыллаатылар, гитара тыыннаах доҕуһуолунан "Уонна хаһан?" ырыаны Ноговицын Михаил Леонидович толорон, көрөөччү кутун туттулар. 

    Бу дьоро киэһэҕэ көрөөччүлэр суруйааччы олоҕун, баай ис хоһоонноох айар үлэтин (ордук поэзиятын) туһунан иһиттилэр, презентация көрдүлэр. 

     Тэрийэн ыытарга көмөлөстө А.А.Дохунаева аатынан култуура киинэ (дир. Подорожная М.Д.). Ырыа-хоһоон түһүлгэтин дьоро киэһэтин ыытта олохтоох библиотекарь Рязанская Анджела Васильевна.