Кэбэргэнэ нэhилиэгэр Слепцов Дмитрий Гаврильевич 100 сааhын бэлиэтиир дьоро киэhэтэ

    Сэтинньи 12 күнүгэр Кэбэргэнэ нэhилиэгин биир дойдулаахтара, энтузиаст кыраайы үөрэтээччи, Абый улууһун, Майыар национальнай нэһилиэгин Бочуоттаах олохтооҕо, ССРС тыатын хаhаайыстыбатын туйгуна, "Килбиэннээх үлэтин иһин" мэтээл, үлэ уонна тыыл бэтэрээнэ, "Ытык саас хаһаайына" Слепцов Дмитрий Гаврильевич 100 сааһын бэлиэтиир дьоро киэһэтэ буолан ааста.

     Дмитрий Гаврильевичы үчүгэйдик билэр, бииргэ алтыспыт биир дойдулаахтара, аймахтара истиҥ иhирэх тылынан ахта санаан аастылар. 

   Тэрээhини иилээн - саҕалаан Майыар библиотекаря Надежда Сидорова уонна культура туйгуна Матрена Рязанская ыыттылар. Кинилэр Дмитрий Гаврильевич олоҕун, айар үлэтин сиhилии сырдаттылар.

     Дмитрий Гаврильевич "Индигир эйгэтигэр" диэн кинигэтиттэн быhа тардан инсцинировка туруоруллан, дьон биhирэбилин ылла. Ону таhынан Кэбэргэнэ нэhилиэгин туhунан, олохтоох автордар тылларыгар ырыалар ылланнылар, хоhоон этилиннэ, уҥкүү киэргэттэ.