Уолбут библиотекатыгар каникул кэмигэр тэрээhиннэр

Уолбут библиотеката каникул кэмигэр оскуола о5олоругар остуол оонньуутун тэрийэн ыытта "Өбүгэм суолунан". Сүрүн сыала аҕа көлүөнэ дьоммут олорон ааспыт түөлбэлэрин сырдатыы, чинчийии, ырытыы.

Ону таhынан "Өбүгэбит тыына - олохпут кыыма" тиэмэлээх Егорова Вера Прокопьевналыын иһирэх көрсүһүү буолан ааста. Вера Прокопьевна билигин Дьокуускай куорат Мархатыгар олорор. Дойдутун - дьонун ахтар буолан төрөөбүт түөлбэтигэр кэлэн ыалдьыттаан барар. Вера Прокопьевна ураты дьоҕурдаах, норуот ырыаларынан үлүһэн дьарыктанар. Хомус уонна кырыымпа доҕуһуоллаах норуот ырыаларын ыллыыр, араас таһымнаах фольклорнай күрэхтэргэ кыттар. Өрөспүбүүлүкэ, Аан дойду хомус күрэҕэр элбэх төгүллээх дипломант, лауреат үрдүк аатын сүгэр.

Вера Прокопьевна оскуола оҕолоругар хомуска маастар - кылаас ыытта. Киһи аймах кутун туппут кэрэ дорҕооннорун таһаарар, музыкальнай инструмент эрэ буолбакка, алҕааhын, арчылааhын, харыстанар ымыы буоларын кэпсээтэ, өйдөттө.