Майыар библиотекатыгар рассаада атыыта са5аланна

Ыам ыйын 27 күнүгэр Майыар модельнай библиотекаҕа сылын аайы ыытыллар "Быйаҥнаах тиэргэн" рассаада ярмарката буолла. Дьэдьэн, минньигэс уонна аһыы биэрэс, помидор, оҕурсуу араас суорда, кабачок, петуния, герань сибэкки арааhа уонна да атын рассаадалара атыыланнылар. 

Библиотекарь Надежда Сидорова кэлбит дьоҥҥо үүнээйини көрүү-харайыы туһунан бэйэтин опытыттан кэпсээтэ, интириэhиргиир боппуруостарга хоруй биэрдэ. Ону таhынан оҕуруокка сыһыаннаах кинигэ быыстапкатын билиһиннэрдэ.

Рассаада бэс ыйыгар диэри атыыга туруохтара.