Абый библиотекатыгар библиотечнай урок "Билсин, Миитэрэй Наумов"

Алтынньы 20 күнүгэр Абыйдааҕы олохтоох библиотека Абый орто оскуолатын 8 уонна 9 кылаас үөрэнээччилэригэр анаан "Билсиҥ, Миитэрэй Наумов" - Дмитрий Федосеевич Наумов 75 сааһыгар анаммыт библиотечнай уруогу ыытта.
Бу уруокка оҕолор дьон - сэргэ биһирэбилин ылыан ылар народнай суруйааччы, производство алын сүһүөҕүттэн саҕалаан бөдөҥ государственнай деятельгэ тиийэ үүммүт, ылсыбыт үлэтин, саҕалаабыт дьыалатын өрүү үрдүк чыпчаалга тиэрдэргэ дьулуһар саха саарына, драматургияҕа Алампа бириэмийэтин лауреата - Дмитрий Федосеевич Наумов олоҕун, айар үлэтин, кинигэлэрин кытта билистилэр.
Оҕолор Миитэрэй Наумов аныгы кэм саамай биллэр, норуокка чугас суруйааччы, драматург буоларын биллилэр. Кини толкуйунан тэриллэр "Режиссердар күрэхтэрин", "Тобуруокап көмүс күһүнэ" бырайыактары, төрөөбүт төрүт буоругар Сулаҕаччыга Улуу Кыайыы 65 сылыгар "Оҕо уонна оҕус күүһүнэн Кыайыыны" өйдөбүнньүк үйэлээх пааматынньыгы туруорбутун, Сталин туһунан кинигэлэри мунньарын, уопсайа 530-ча кинигэлэрдээҕин сөҕө иһиттилэр.