С.Р.Кулачиков-Эллэй төрөөбүтэ 120 сылыгар аналлаах викторина ыытыллар

Абый улууһун киин библиотеката уонна "Хотугу кыым" хаһыат ыытар С.Р.Кулачиков - Эллэй төрөөбүтэ 120 сылыгар аналлаах викторинаҕа кыттаргытын ыҥырабыт.

1.С.Р.Кулачиков - Эллэй төрөөбүт сирэ, күнэ-дьыла? 

2.Серафим Романович наҕараадаларын, бириэмийэлэрин ааттаталаа. 

3.Айар үлэтэ хас сыллаахтан, ханнык үлэттэн саҕаламмытай? 

4. Хас сыллаахха саха норуодунай поэтын аата иҥэриллибитэй? 

5.Хас сыллаахха ССРС Суруйааччыларын чилиэнинэн талыллыбытай? 

6.Аҕа дойду Улуу сэриитигэр ханна, тугунан сулууспалаабытай? 

7.1929 сыллаахха бэчээттэммит бастакы хомуурунньугун аата? 

8.Саха поэзиятыгар туох саҥаны киллэрбитэй?  

9.- Бу тугуй? - Буурҕа ини... -

Ким киирдэ? - Түүл ини... -

Хараҕын аста кини,

Көрдө үс киһини... ханнык хоһоонтон тылларый? 

10.1943 с. сэрии толоонугар сылдьан суруйбут хоһоонноро кинигэ буолан тахсан Кыайыыны уһансыбыта. Бу кинигэ аата? 

11.Биир кэргэн сүүс омук сүрэҕэ

Эн түөскэр тэбэрин курдуга,

Эн үтүөҥ үйэттэн үйэҕэ

Өрүүтүн ахтылла туруоҕа.

Баай сыабын - батталы өһүлэр

Охсуһуу уоттарын уматан,

Күн Ленин үөрэппит өрөүлэ,

Көппүтүҥ Эн улуу Ленаттан.

Бу поэт кимиэхэ анаабыт хоһоонуттан быһа тардыыный? 

12.Эллэй "Чурум Чурумчуку" айымньытынан Саха опера уонна балет театрын сыанатыгар 200–тэн тахса балет туруоруллубут. Бу балетка сүрүн оруолу кимнээх толорбуттарай? 

13."Таптыаҕыҥ ийэни" хоһоону маҥнайгынан ырыа гынан көтүппүт, толорбут кимий? 

14.Ытык сиэртибэ поэты

Ыҥырыа суоҕа Аполлон - 

Кини күн сирин кыһалҕатын

Күүрээннэригэр охсуллуо.

Тыаһыа суоҕа айыы лирата,

Нуурал уунан кута нуктуо,

Баҕар, аан дойду дьонноруттан

Барбахтара кини буолуо.

Хайа суруйааччы ханнык хоһоонун тылбааһай? 

15.Эллэй айымньылара ханнык омук тылларыгар тылбаастаммыттарай? 

16.1954 с. суруйааччы портретын ханнык худуоһунньук уруһуйдаабытай?

17.1977 сыллаахха С.Р. Кулачиков - Эллэй аата ханнык оскуолаҕа иҥэриллибитэй? 

18.1953 сылтан 13 сыл устата ханнык сурунаал кылаабынай редакторынан үлэлээбитэй? 

19.Серафим Романович олоҕун аргыһа, кэргэнин аата? Хас оҕолоохторуй?

20.Хас сыллаахха күн сириттэн күрэммитэй? 

Викторина эппиэттэрин kniga.1313@mail.ru электроннай почтаҕа, 89142201827 WhatsApp нүөмэригэр ыытаргытын сэтинньи 28 күнүгэр диэри күүтэбит. Толору ааккытын, сааскытын, үлэлиир сиргитин, билсэр телефоҥҥутун ыйаргытын умнумаҥ. Сүрүн бириис - сыл бастакы аҥаарыгар "Хотугу кыым" хаһыакка сурутуу уонна телефоҥҥутугар 500 солк.!

Кыайыылааҕы икки бөлөххө (оҕолор, улахан дьон) арааран быһаарыахпыт.