Карл Трофимович Новиков - Быйаман 90 сааhыгар аналлаах ахтыы биэчэрэ

Кулун тутар 20 күнүгэр улуустааҕы Киин библиотекаҕа олохтоох автор, РФ журналистарын Союһун чилиэнэ, ССРС кинематографиятын туйгуна, Саха сирин суруйааччыларын уонна мелодистарын Союһун чилиэнэ, Абый улууһун гимнин автора, Абый улууһун уонна Абый нэһилиэгин Бочуоттаах олохтооҕо КАРЛ ТРОФИМОВИЧ НОВИКОВ - БЫЙАМАН 90 сааһыгар анаммыт ахтыы биэчэрэ буолан ааста. Ыалдьыттары саха сиэринэн кымыстаах алаадьынан күндүлээтибит. 

Тэрээһиҥҥэ Карл Новиков олоҕун туһунан ахтыылар, хаартысканан презентациялар, архыып видеолара көрдөрүлүннүлэр. Автор хоһоонугар суруллубут ыллам ырыалары "Кыраһа" народнай ансаамбыл, көмүс куолас Изольда Атласова, А.Глушак матыыбыгар "Үрүҥ Хайа" ырыатын кэлбит ыалдьыттар күргүөмүнэн ыллаатылар. Түмүгэр К.Новиков сценарийынан уһуллубут "Олуллуу" киинэ көрдөрүлүннэ.