Николай Васильевич Слепцов - Абыйчанин 100 сааhыгар аналлаах тэрээhиннэр

Саха Республикатын культуратын үтүөлээх үлэһитэ, Россия уонна Саха Республикатын журналистарын союһун чилиэнэ, суруйааччы, поэт, журналист, Абый улууһун Бочуоттаах гражданина Николай Васильевич Слепцов – Абыйчанин 100 сааһыгар аналлаах литературнай биэчэр улуустааҕы Киин библиотекаҕа буолла.

Булгуруйбат модун санаалаах Саха Островскайынан билиниллибит ытык киһибит олоҕо, айар үлэтэ киэҥник сырдатылынна, кини туһунан киинэ көрдөрүлүннэ, библиотека үлэһиттэрэ автор хоһоонун дорҕоонноохтук ааҕан иһитиннэрдилэр. Аһаҕас кэпсэтиигэ ветераннар В.П.Неустроев, Н.Н.Черемкин, И.В.Черемкина, Е.С.Сеннябилева, улуустааҕы культура управлениетын э.т. М.А.Мартынова Николай Васильевич туһунан дириҥ ис хоһоонноох ахтыылары оҥордулар. Итини сэргэ, сиэнин Ольга ахтыытын, аймаҕа А.А.Слепцова видеоахтыытын долгуйа иһиттилэр.

Николай Абыйчанин дьулуурдаах хорсун санаата, ыарыылартан-ыарахаттартан чаҕыйбакка сыралаах үлэҕэ ылсыбыт олоҕо, норуотун муҥура суох таптыыра эдэр ыччаты иитиигэ холобур буолуохтаах. Кини айан, үлэлээн хаалларбыт баай ис хоһоонноох нэһилиэстибэтин биир дойдулаахтара, кини талааныгар сүгүрүйээччилэр үйэтитэр ытык иэспит буолар.

Ыам ыйын 13 күнүгэр Майыар национальнай нэһилиэгэр биир дойдулаахпыт суруйааччы, Саха Республикатын суруйааччыларын Сойууһун чилиэнэ, Саха Республикатын култууратын үтүөлээх үлэһитэ, Абый оройуонун Бочуоттаах олохтооҕо Николай Васильевич Слепцов-Абыйчанин 100 сааһын бэлиэтиир үөрүүлээх тэрээһин буолан ааста. Манна нэһилиэк общественноһа, тэрилтэ салайааччылара,оскуола оҕолоро, суруйааччы аймахтара кыттыыны ыллылар. Ол курдук ахтан санаан аастылар аҕам саастаахтар председателлэрэ Никулина Светлана Дмитриевна, аймахтарыттан Садовникова Анна Михайловна, Слепцов Максим Алексеевич. Көрөөччүлэр ордук хос хос сиэн быраата Айсан Слепцов кэпсээнэ болҕомтону тарта.

Суруйааччы араас кэмҥэ суруйбут хоһооннорун 9-10 кылаас оҕолоро аахтылар. Тэрээһин "Абыйтан бастакы бэйиэппит" хоһоонунан түмүктэннэ. Бэйэтин музыкальнай эҕэрдэтинэн киэргэттэ Ольга Дохунаева. Тэрээһини иилээн-саҕалаан ыыттылар Надежда Сидорова, Матрена Рязанская.

Библиотека5а Абыйчаниҥҥа аналлаах быыстапка турда "Ыстаал бөрүөнэн тайахтанан".

Ураhалаах библиотекатыгар Абыйчанин 100 сааһыгар аналлаах ахтыы биэчэр буолла. Библтотекарь Николай Васильевич оло5ун, үлэтин туьунан кэпсээтэ. Кэлбит ыалдьыттар эдэр сылдьан, о5о сылдьан кини айымньыларын аахпыттарын туhунан үллэстиннилэр. Кини хайдахтаах курдук кэпсээннэригэр тыллары туьанарын, хас биирди айынньыта уратытын бэлиэтииллэр

Уолбуттааҕы библиотека Абыйчанин 100 сылыгар аналлаах "Кэннибэр кэрэни-үтүөнү эрэ хааллараары..." ахтыы биэчэрэ буолан ааста. Библиотекарь Вероника Ивановна Абыйчанин үлэлээн хаалларбыт нэҺилиэстибэтин эдэр көлүөнэҕэ тиэрдэн кэпсэтэ. Хорсун санаатын, олох иҺин охсуҺуу, ыстаал бүрүөлээх Хоту дойду хорсуна буоларын, оҕолор болҕойон иһиттилэр. "Чучуна уонна Суланньа" айымньытын ааҕан, эдэр ыччат санаатын дьүллэҺии буолла. Аҕа көлүөнэ Абыйчанины кытта алтыспыттарын билиҺиннэрдилэр.

Сыаганнах библиотекатыгар Николай Васильевич Слепцов-Абыйчанин төрөөбүтэ 100 сылыгар аналлаах аҕа саастаах дьоҥҥо төгүрүк остуол ыытылынна. Тэрээһини библиотекарь Виктория Викторовна, Николай Абыйчанин айымньыларын билиһиннэриитинэн саҕалаан ыытта. Кини суруйааччы олоҕун, айар үлэтин туһунан сиһилии кэпсээтэ, кинигэлэрин көрдөрдө. Салгыы аһаҕас кэпсэтии буолла. Кыттыыны ылбыт дьон Николай Абыйчанин туһунан ахтыыларын үллэһиннилэр, кини айымньыларын ырыттылар. Суруйааччы саха литературатыгар уонна култууратыгар кылаатын бэлиэтээтилэр.

Төгүрүк остуол түмүгэр кыттыыны ылбыт дьон Абыйчанин аатын үйэтитэр туһунан санааларын эттилэр. Кини айымньылара кэлэр көлүөнэлэргэ тиийэллэригэр баҕа санааларын биллэрдилэр.