Абый нэhилиэгэр ытык кырдьаҕастарга айылҕаҕа көрсүhүү тэриийдилэр

Аҕам саастаах дьоммут бэлиэ күнүн чэрчитинэн, күнү баттаһа декада маҥнайгы хардыыларын Абый нэһилиэгэр ытык мааны дьоҥҥо айылҕаҕа тэрээhин ыытылынна.  Абый нэhилиэгин биир мааны айылҕалаах, элбэх киһи мустан сир астыыр "Тумуһах" сиригэр  60 саастарыттан үөһээ  дьоҥҥо мунньан, сынньатан, отоннотон, оонньотон кэллилэр. Кыттыылаахтар бары үөрэн - көтөн, дуоһуйа астынан тарҕастылар. Ол курдук алаадьылаан күндүлээһин, сиэр- туом тутуһуу, айылҕаҕа хаартыскаҕа түhүү, чэйдээhин, отоннооһун, күрэхтэһиилэр.

Ол курдук бастакыннан иһитин толорбут Чемпион отонньут Вера Михайловна Никулина буолла.

Культура үлэһиттэрэ Надежда Афанасьевна Черемкина уонна Александра Николаевна Слепцова отоннообут 7 киилэ клюкваны "Добро" акция оҥорон Культура, Үлэ, "Дети войны" бэтэрээнигэр Светлана Афанасьевна Слепцоваҕа туттардылар.

Аҕам саастаах дьону барыыларын, кэлиилэрин учуоттаан техниканнан хааччыйбыт Абыйдааҕы администрация коллективыгар, чуолаан Аҕа баһылыкка Тимофей Арианович Томскайга, суоппар Виссарион Егорович Полушкинна уонна  Валерий Васильевич Черемкиҥҥа бары кыттыылаахтар ааттарыттан махтал тылларын этэллэр!